Xirurgik klinikasida Mustaqilligimizning 34 yilligi katta tantana va ko‘tarinki ruhda nishonlandi. Tadbir davomida mustaqillik yillarida erishilgan ulkan yutuqlar, mamlakatimizda amalga oshirilayotgan islohotlar va ularning xalq farovonligini ta’minlashdagi ahamiyati haqida so‘z yuritildi. Ayniqsa, Prezidentimiz tomonidan sog‘liqni saqlash tizimiga qaratilayotgan alohida e’tibor alohida ta’kidlandi.

  Shundan so‘ng klinika faoliyatidagi yutuqlar, bemorlarga ko‘rsatilayotgan tibbiy yordamda fidokorona mehnati hamda jamoatchilik faolligi bilan ajralib turgan xodimlar faxriy yorliqlar bilan taqdirlandilar.

  Klinika jamoasi ushbu munosabat bilan barcha vatandoshlarimizni Mustaqilligimizning 34 yilligi bilan samimiy muborakbod etadi. Mustaqilligimiz abadiy bo‘lsin!