“Inson manfaatlarini taʼminlash va mahalla taraqqiyoti yili” Davlat dasturi doirasida aholi salomatligini mustahkamlash, sogʻlom turmush tarzini shakllantirish, joylarda aholisiga malakali tibbiy yordam koʻrsatish ham belgilangan. Shu sababli 2022-yil 12-aprel kuni Samarqand davlat tibbiyot universitetining 2-klinikasi xodimlari Samarqand shahar 10-oilaviy poliklinikasi shifokorlari bilan birgalikda 16-umum taʼlim maktabi oʻquvchilarini navbatbatdagi chuqurlashtirilgan profilaktik koʻrigidan oʻtkazdi. Tadbir davomida 636 ta oʻquvchi oʻgʻil va qizlar tibbiy koʻrikdan oʻtkazildi, shundan 23 nafarida turli xirurgik patologiyalar aniqlanib, keyinchalik toʻliq tekshirish va davolash maqsadida Bolalar xirurgiyasi markaziga yuborildi.