Samarqand Davlat Tibbiyot Universiteti professori Boshqirdiston Davlat Tibbiyot Universitetiga tashrif buyurdi

  Samarqand Davlat Tibbiyot Universiteti №1 Bolalar Jarrohligi kafedrasi mudiri, ilmiy ishlar bo'yicha bosh shifokor o'rinbosari, professor Shuxrat Abdurasulovich Yusupov Boshqirdiston Davlat Tibbiyot Universitetiga akademik almashuv dasturi doirasida tashrif buyurdi.

  Akademik almashuv oliy o'quv yurtlarini rivojlantirishning ustuvor yo'nalishi hisoblanadi va oliy ta'limning xalqaro miqyosda integratsiyalashuvining muhim elementidir. "Prioritet 2030" federal dasturi ishtirokchisi bo'lgan BDTU tadqiqot faoliyatini kuchaytirish va ilm-fanning metodologik mazmunini yangilash maqsadida xalqaro aloqalarni rivojlantirish va o'rnatishga alohida e'tibor beradi.

  Tashrifining birinchi kunida professor Sh.A. Yusupuv Respublika Bolalar Klinik Shifoxonasi bazasida joylashgan BDTU Bolalar Jarrohligi kafedrasini ziyorat qildi va ilmiy kadrlar hamda davolash bazasining kuchli salohiyatini ta'kidladi. Professor Sh.A. Yusupuvning tashrif davomida bajarilishi rejalashtirilgan ish rejasi kafedra vaqtinchalik mudiri I.I. Galimov bilan kelishib olindi, talaba va ordinatorlar uchun ma'ruza tsikli belgilandi.

  6-kurs talabalari va ordinatorlar uchun ma'ruza o'qildi, unda tinglovchilar Samarqand Tibbiyot Universiteti ixtisoslashtirilgan Bolalar Jarrohligi klinikasining imkoniyatlari, ustuvor yo'nalishlari va ilg'or tibbiyot texnologiyalari bilan tanishdilar. Ma'ruzada professor Shuxrat Yusupov bolalar jarrohi sifatida tajribasi bilan o'rtoqlashdi va bolalar jarrohligi sirlaridan bir nechtasini ochib berdi. O'z navbatida, BDTU Bolalar Jarrohligi kafedrasi xodimlari d.m.n., dotsent V.G. Alyangingin va k.m.n., dotsent G.G. Latipova Samarqand Tibbiyot Universiteti №1 Bolalar Jarrohligi kafedrasi bilan talaba ilmiy jamiyatlari sohasida hamkorlik qilish imkoniyatlarini muhokama qildilar.

  Kunning ikkinchi yarmida Shuxrat Yusupov bolalar kasalliklari fakulteti dekani, gospital pediatriya kafedrasi mudiri V.A. Malievskiy bilan uchrashdi. Uchrashuvda akademik almashuvning keyingi dasturi - bolalar kasalliklari fakulteti talabalari uchun ma'ruza o'qish, talabalarni Sharqdagi tibbiyot tarixi, O'zbekiston madaniyatining boy merosi va Rossiya bilan hamkorlik bilan tanishtirish bo'yicha ishchi masalalar muhokama qilindi.

  Pedagogika va psixologiya kafedrasi mudiri, professor A.F. Amirov bilan uchrashuvda yaqin xorijdan kelgan talabalarning tibbiyot oliy o'quv yurtida o'qishga moslashish xususiyatlari muhokama qilindi.