O‘zbekiston Respublikasining «Iste’molchilar huquqlarini himoya qilish» Qonuniga asosan aholini tegishli axborot va ma’lumot bilan ta’minlash maqsadida Sog‘liqni saqlash vazirligining buyrug‘i bilan barcha tibbiyot muassasalarida pullik tibbiy xizmat ko‘rsatish tartib va qoidalari, xizmat turlari va narxlari aks ettirilgan axborot burchaklari bo‘lishi kerak. Pullik tibbiy xizmat ko‘rsatuvchi barcha muassasalar Sog‘liqni saqlash vazirligi yoki hududiy boshqarmalar tomonidan berilgan maxsus ruxsatnomalarga ega bo‘lishi lozim. Pullik tibbiy xizmat ko‘rsatuvchi muassasalarda fuqarolar bilan albatta shartnoma tuzilishi va ularga pul to‘langanligi to‘g‘risida kvitansiya berilishi lozim.