2025-yil 28-avgust kuni Bolalar xirurgiya markazi konferens zalida Ikromova Shaxnoza Nozimovnaning “Bolalardagi glomerulonefritlarning klinik immunologik xususiyatlariga biriktiruvchi to‘qima displaziyasining ta’siri” mavzusidagi, ilmiy rahbar t.f.d., professor Mirraximova Maktuba Xabibullaevna rahbarligida tayyorlangan, 14.00.09 – Pediatriya ixtisosligi bo‘yicha falsafa doktori (PhD) ilmiy darajasini olish uchun yozilgan dissertatsiya ishining rasmiy himoyasi bo‘lib o‘tdi.

  Yig‘ilishni Kengash raisi, professor Azamat Muxiddinovich Shamsiev olib bordi. Ma’ruza yakunida muhokama va savol-javoblar o‘tkazildi, dissertant berilgan savollarga javob berdi. Shundan so‘ng rasmiy opponentlar mavzuning dolzarbligi va ilmiy-amaliy ahamiyati haqida fikr bildirdilar hamda taqdim etilgan ilmiy ishga ijobiy baho berdilar.