2024 yilning 27-noyabr kuni Samarqand davlat tibbiyot universiteti ixtisoslashgan bolalar xirurgik klinikasiga G.A.Bairova nomidagi Sankt-Peterburg davlat pediatriya tibbiyot universiteti bolalar xirurgik kasalliklari kafedrasi mudiri tibbiyot fanlari doktori, professor Podkamenev Aleksey Vladimirovich tashrif buyurdi. Professorni SamDTU bolalar xirurgik klinikasi bosh shifokori, professor Jamshid Shamsiyev hamda 1-son Bolalar xirurgiyasi kafedrasi professori Djamshed Atakulovlar kutib olishdi. Rossiyalik mexmon klinikada bemorlarga yaratilgan sharoitlar va ularga xizmat ko’satish sifati yuqoriligi hamda uning faoliyati, moddiy texnik bazasi bilan yaqindan tanishdilar. Shuningdek, klinikadagi simulyatsion markazni ham koʻzdan kechirib, yuqori texnologiyali operatsion jihozlarning amaliyotda qoʻllanilishining bevosita guvohi boʻldi. Tashrif davomida tajriba almanishuv doirasida bemorlar ko’rigi ham yuqori saviyada o’tkazildi. Kunning ikkinchi yarmida Samarqand Davlat tibbiyot universiteti talabalari bilan amaliy-seminar, master-klasslar o’tkazilib akademik mobillik doirasida belgilangan ko’rsatmalar bajarilishi kelishib olindi.